ഇന്ത്യയിലെ ഗോത്രവിഭാഗങ്ങളുമായി ബന്ധപ്പെട്ട പ്രധാനപ്പെട്ട വിവരങ്ങൾ

• 2011 ലെ സെൻസസ് പ്രകാരം ഏകദേശം 11 കോടി ഗോത്രവർഗ്ഗക്കാർ ഇന്ത്യയിൽ ജീവിക്കുന്നുണ്ട്. ഇത് രാജ്യത്തിൻറെ മൊത്തം ജസംഖ്യയുടെ 8.6 ശതമാനത്തോളം വരും. ലോകത്തിൽ ഏറ്റവും കൂടുതൽ ഗോത്രവിഭാഗക്കാരുള്ള രണ്ടാമത്തെ രാജ്യമാണ് ഇന്ത്യ.
• 'ദി ലാൻസെറ്റ്' നടത്തിയ പഠനപ്രകാരം ഗോത്രവിഭാഗക്കാർക്കിടയിൽ ഏറ്റവും കൂടുതൽ ശിശുമരണ നിരക്കുള്ള രണ്ടാമത്തെ രാജ്യം ഇന്ത്യ ആണ്.

'നാഷണൽ റിപ്പോർട്ട് ഓൺ ദി സ്റ്റേറ്റ് ഓഫ് ഇന്ത്യാസ് ട്രൈബൽ പീപ്പിൾസ് ഹെൽത്ത്' ലെ പ്രധാന കണ്ടെത്തലുകൾ

• രാജ്യത്ത് 809 മേഖലകളിലായാണ് പ്രധാനമായും ഗോത്രവിഭാഗക്കാർ ജീവിക്കുന്നത്. ഈ മേഖലകളെ ഷെഡ്യുൾഡ് മേഖലകളായി പ്രഖ്യാപിക്കുകയും ചെയ്തിട്ടുണ്ട്. എന്നാൽ രാജ്യത്തെ മൊത്തം ഗോത്രവിഭാഗക്കാരിൽ പകുതിയിലധികവും താമസിക്കുന്നത് പ്രഖ്യാപിക്കപ്പെട്ട ഷെഡ്യുൾഡ് മേഖലക്ക് പുറത്തായാണ്.
• ഗോത്രവിഭാഗക്കാർക്കിടയിലെ ആരോഗ്യസാഹചര്യം കഴിഞ്ഞ 25 വർഷത്തിനിടെ വലിയരീതിയിൽ മെച്ചപ്പെട്ടിട്ടുണ്ട്. ഗോതവിഭാഗക്കാർക്കിടയിലെ അഞ്ച് വയസ്സിന് താഴെയുള്ള കുട്ടികളുടെ മരണനിരക്ക് 1988 ൽ 135 ആയിരുന്നത് 2014 ലെ ദേശീയ കുടുംബാരോഗ്യ സർവ്വേ പ്രകാരം 57 ആയി കുറഞ്ഞിട്ടുണ്ട്.
• ഗോത്രവിഭാഗക്കാരുടെ കുട്ടികൾക്കിടയിലുള്ള പോഷകാഹാരക്കുറവ് മറ്റു കുട്ടികളെ അപേക്ഷിച്ച് 50 % കൂടുതലാണ്.
• മലേറിയയും ടി.ബി'യും ഗോത്രവിഭാഗക്കാർക്കിടയിൽ മറ്റു വിഭാഗക്കാരെക്കാൾ 3 മുതൽ 11 മടങ്ങുവരെ അധികമാണ്. രാജ്യത്തെ മൊത്തം മലേറിയയുമായി ബന്ധപ്പെട്ട മരണങ്ങളുടെ പകുതിയോളം നടക്കുന്നത് ഗോത്രവിഭാഗങ്ങൾക്കിടയിലാണ്.
• സർക്കാർ മേഖലയിലുള്ള പ്രാഥമികാരോഗ്യ കേന്ദ്രങ്ങളെയാണ് ഇവർക്ക് കൂടുതലായും ആശ്രയിക്കാൻ സാധിക്കുന്നത്. അവിടങ്ങളിലെ അടിസ്ഥാനസൗകര്യങ്ങളുടെ അഭാവം ഗോത്ര വിഭാഗക്കാരുടെ ആരോഗ്യ സംരക്ഷണത്തെ ദോഷകരമായി ബാധിക്കുന്നു.

റിപ്പോർട്ട് മുന്നോട്ടുവെച്ച നിർദ്ദേശങ്ങൾ

• ഓരോ സംസ്ഥാനത്തെയും ശരാശരി ആരോഗ്യനിലവാരത്തോടൊപ്പം ആ സംസ്ഥാനത്തെ ഗോത്ര വിഭാഗക്കാരുടെ ആരോഗ്യ നിലവാരം പത്ത് വര്ഷം കൊണ്ട് എത്തിക്കാനാവശ്യമായ ദേശീയ കർമ്മപദ്ധതി രൂപീകരിക്കുക.
• കൂടുതൽ തുക വകയിരുത്തുക.
• പ്രധാനപ്പെട്ട 10 ആരോഗ്യപ്രശ്നങ്ങൾ പരിഹരിക്കാനായി റിപ്പോർട്ട് 80 നിർദ്ദേശങ്ങൾ മുന്നോട്ടു വെച്ചു.