എല്ലാവരെയും ഉൾക്കൊള്ളാൻ "സ്മൈൽ പദ്ധതി"

2021- ലാണ് "വികസിത് ഭാരത്" കാഴ്ചപ്പാടിനെ ശക്തിപ്പെടുത്തുന്ന പദ്ധതിയായ “SMILE “ ( Support for Marginalized Individuals for Livelihood and Enterprise) എന്ന പദ്ധതി ആരംഭിച്ചത്. പാർശ്വവൽക്കരിക്കപ്പെട്ട വ്യക്തികൾക്കുള്ള പിന്തുണയാണ് ഈ പദ്ധതി കൊണ്ട് ലക്ഷ്യം വെക്കുന്നത്. ട്രാൻസ്ജെൻഡർ വ്യക്തികളുടെ ക്ഷേമത്തിനയുളള സമഗ്ര പുനരധിവാസ പദ്ധതിയും ഇതിൽ ഉൾപ്പെടുന്നു.

ട്രാൻസ്ജെൻഡർ

ട്രാൻസ്ജെൻഡേഴ്സ് പേഴ്സൺസ് ആക്ട് 2019 അനുസരിച്ച് ട്രാൻസ്ജെൻഡർ എന്നാൽ ജനനസമയത്ത് ആ വ്യക്തിക്ക് നൽകിയിട്ടുള്ള ജെൻഡർ ആയി പൊരുത്തപ്പെടാത്ത വ്യക്തിത്വമുള്ള വ്യക്തിയാണ്. ഇന്ത്യയിലെ 2011ലെ സെൻസസ് രാജ്യത്തെ "ട്രാൻസ് ജനസംഖ്യയുടെ എണ്ണം ഉൾക്കൊള്ളുന്ന ചരിത്രത്തിലെ ആദ്യ സെൻസസ് ആയിരുന്നു.

Smile പദ്ധതി

ഈ പദ്ധതിക്ക് രണ്ട് ഉപവിഭാഗങ്ങൾ ഉണ്ട്. ഒന്ന് ട്രാൻസ്ജെൻഡർ വ്യക്തികളുടെ ക്ഷേമത്തിനായുള്ളതും രണ്ടാമത് ഭിക്ഷാടന പ്രവർത്തനത്തിൽ ഏർപ്പെട്ടിരിക്കുന്നവരുടെ സമഗ്ര പുനര ദിവസ പദ്ധതിയും
പുനരുധിവാസം, മെഡിക്കൽ സൗകര്യങ്ങൾ, കൗൺസിലിംഗ്, അടിസ്ഥാന ഡോക്യുമെന്റേഷൻ, വിദ്യാഭ്യാസം, നൈപുണ്യ വികസനം തുടങ്ങിയവയിൽ പദ്ധതി ശ്രദ്ധ കേന്ദ്രീകരിക്കുന്നു.
ഒൻപതാം ക്ലാസിലും അതിനുമുകളിലും പഠിക്കുന്ന ട്രാൻസ്ജെൻഡർ വിദ്യാർത്ഥികൾക്ക് ബിരുദാനന്തര ബിരുദം സ്കോളർഷിപ്പുകൾ നൽകുന്നു.
പ്രധാനമന്ത്രി ജൻ ആരോഗ്യ യോജനയുമായി (PM-JAY) സംയോജിപ്പിച്ച് ലിംഗ- പുനർനിർണയ ശസ്ത്രക്രിയയ്ക്ക് തിരഞ്ഞെടുത്ത ആശുപത്രികളിൽ സമഗ്ര പാക്കേജ് നൽകുന്നു.
സംസ്ഥാന ഗവൺമെൻറുകൾ, പ്രാദേശിക സ്ഥാപനങ്ങൾ, സന്നദ്ധ സംഘടനകൾ തുടങ്ങിയവരുടെ പിന്തുണയോടെ ഇത് നടപ്പിലാക്കും.
ഓരോ സംസ്ഥാനത്തും ട്രാൻസ്ജൻഡർ പ്രൊട്ടക്ഷൻ സെല്ലിന്റെ കേസുകൾ നിരീക്ഷിക്കുകയും കൃത്യസമയത്ത് രജിസ്ട്രേഷൻ, അന്വേഷണം, നിയമനടപടികൾ എന്നിവ ഉറപ്പാക്കുകയും ചെയ്യും.

ട്രാൻസ്ജെൻഡർ വിഭാഗം നേരിടുന്ന വെല്ലുവിളികൾ

ട്രാൻസ്ജെൻഡർ വ്യക്തികൾ പലപ്പോഴും ഒറ്റപ്പെടലും പാർശ്വവൽക്കരണവും നേരിടുന്നു. ഇത് മാനസികാരോഗ്യ പ്രശ്നങ്ങൾ, ലഹരിവസ്തുക്കളുടെ ഉപയോഗം തുടങ്ങിയവയിലേക്ക് നയിക്കുന്നു .
ട്രാൻസ്ജൻഡർ വ്യക്തികളെ സ്റ്റീരിയോ ടൈപ്പ് ചെയ്യുകയും അവരുടെ തൊഴിൽ, വിദ്യാഭ്യാസം, ആരോഗ്യ സംരക്ഷണം എന്നിവക്കുള്ള അവസരങ്ങൾ പരിമിതപ്പെടുത്തുകയും ചെയ്യുന്നു.
കുടുംബ പിന്തുണയും സാമ്പത്തിക സ്ഥിരതയും ഇല്ലാത്തത് മാനസികമായി തളർത്തുന്നു.
പലരും അക്രമത്തിനും ലൈംഗികാതിക്രമത്തിനും ഇരയാവുന്നു.
വിദ്യാഭ്യാസ സ്ഥാപനങ്ങളിലെ വിവേചനം.
തൊഴിൽ വിവേചനം
നിയമത്തിലെ അവ്യക്തത. ട്രാൻസ്ജെൻഡർ നിയമം 2019ൽ ലിംഗഭേദം സ്വയം നിർണയിക്കുന്നതിനുള്ള ഒരു വ്യവസ്ഥയും ഇല്ല. കൂടാതെ നിയമത്തിൽ പല കാര്യങ്ങളും അവ്യക്തമാണ്.
അധികാരികളുടെ ഭാഗത്തുനിന്നുള്ള അവബോധമില്ലായ്മ, വിമുഖത തുടങ്ങിയവ കാരണം നിലവിലുള്ള നിയമങ്ങൾ ഫലപ്രദമായി നടപ്പിലാവുന്നില്ല.

ട്രാൻസ്ജെൻഡർ വ്യക്തികൾക്കുള്ള പദ്ധതികൾ

സ്വച്ഛ് ഭാരത് മിഷൻ പദ്ധതിയുടെ മാർഗനിർദ്ദേശങ്ങളിൽ ട്രാൻസ്ജെൻഡർ വിഭാഗത്തിനായി പ്രത്യേക ടോയ്ലറ്റുകൾ ഉൾപ്പെടുത്തിയിട്ടുണ്ട്.
ട്രാൻസ്ജെൻഡർ വ്യക്തികൾക്കായി ദേശീയ പോർട്ടലിന് രൂപം കൊടുത്തിട്ടുണ്ട്. 2020-ൽ ട്രാൻസ്ജെൻഡർ പേഴ്സൺസ് അവകാശ സംരക്ഷണ നിയമങ്ങൾ കൊണ്ടുവന്നു.

ട്രാൻസ്ജെൻഡർ വ്യക്തികളുടെ ഉന്നമനത്തിനായി ചെയ്യാവുന്ന കാര്യങ്ങൾ

ട്രാൻസ്ജെൻഡർ കമ്മ്യൂണിറ്റിയുടെ പ്രശ്നങ്ങളിൽ നിയമ നിർവഹണ സംവിധാനങ്ങൾ ശാക്തീകരിക്കപ്പെടുകയും ബോധവൽക്കരിക്കപ്പെടുകയും വേണം. പൊതുപങ്കാളിത്തത്തിനുള്ള സാധ്യതകൾ വർധിപ്പിക്കണം.
ട്രാൻസ്ജൻഡർ വിഭാഗത്തിന് സൗജന്യ നിയമസഹായം ഉറപ്പ് വരുത്തണം.
എല്ലാ സ്വകാര്യ, പൊതു ആശുപത്രികളിലും ക്ലിനിക്കുകളിലും ആരോഗ്യപരിരക്ഷയുമായി ബന്ധപ്പെട്ട പ്രത്യേക നയങ്ങൾ രൂപപ്പെടുത്തുകയും ട്രാൻസ്ജൻഡർ വിഭാഗവുമായി ഇവ ആശയവിനിമയം നടത്തുകയും വേണം.
എസ് എച്ച് ജി -ബാങ്ക് ലിങ്കേജ് പ്രോഗ്രാമുകളുടെ മാതൃകയിൽ ക്രെഡിറ്റ് സൗകര്യങ്ങളും സാമ്പത്തിക സഹായവും നൽകി ട്രാൻസ്ജൻഡർ വിഭാഗത്തിന് സംരംഭക/കരിയർ അവസരങ്ങൾ നൽകണം.
ജയിലുകളിലെ ട്രാൻസ്ജെൻഡർ വിഭാഗത്തെ അഭിസംബോധന ചെയ്യുന്നതിന് പ്രത്യേക നയങ്ങൾ രൂപീകരിക്കണം.

ദേശീയം