അന്തർ ദേശീയം
മെറിറ്റോക്രസിയും ആർട്ടിഫിഷ്യൽ ഇന്റലിജൻസും
വ്യക്തികളുടെ സാമൂഹിക നില അല്ലെങ്കിൽ പശ്ചാത്തലം എന്നിവ പരിഗണിക്കാതെ അവരുടെ കഴിവുകൾ, നേട്ടങ്ങൾ, കഠിനാധ്വാനം എന്നിവയെ അടിസ്ഥാനമാക്കി അവസരങ്ങളും പദവികളും നൽകുന്നതാണ് മെറിറ്റോക്രസി എന്നത്കൊണ്ട് അർത്ഥമാക്കുന്നത്. എന്നാൽ ആർട്ടിഫിഷ്യൽ ഇന്റലിജൻസിന്റെ ആവിർഭാവത്തോടെ മെറിറ്റോക്രസി പുതിയ വെല്ലുവിളികൾ നേരിടുന്നു. അത് മെറിറ്റ് എന്ന ആശയത്തെ പുനർ നിർമ്മിക്കുന്നു.
സമൂഹത്തിൽ വിജയം നേടുന്നത് വ്യക്തിപരമായ പരിശ്രമത്തിലൂടെയും കഴിവുകളിലൂടെയുമാണ്. പാരമ്പര്യമായി ലഭിച്ച പ്രത്യേകാവകാശത്തിനോ സ്വജനപക്ഷപാതത്തിനോ പകരം എല്ലാവർക്കും അവരുടെ കഴിവുകളെയും പരിശ്രമങ്ങളെയും അടിസ്ഥാനമാക്കി വിജയിക്കാനുള്ള ഒരു ലെവൽ പ്ലേയിംഗ് ഫീൽഡ് ഇത് പ്രോത്സാഹിപ്പിക്കുന്നു. വിദ്യാഭ്യാസത്തിന്റെയും വ്യക്തിത്വവികസനത്തിന്റെയും പ്രാധാന്യം മെറിറ്റോക്രസി ഊന്നിപ്പറയുന്നു.
മെറിറ്റോക്രസിയിൽ AIയുടെ സ്വാധീനങ്ങൾ
- കൃത്രിമ ബുദ്ധി മനുഷ്യ കഴിവുകളെ മറികടക്കാൻ കഴിയുന്ന തലങ്ങളിൽ ചുമതലകൾ നിർവഹിക്കാനും തീരുമാനങ്ങൾ എടുക്കാനും കഴിവുള്ള ഒരു മനുഷ്യ- ഇതര സംവിധാനത്തെ അവതരിപ്പിക്കുന്നതിലൂടെ മനുഷ്യൻറെ യോഗ്യതയുടെ അടിസ്ഥാനത്തെ ചോദ്യം ചെയ്യുന്നു.
- മനുഷ്യന്റെ ബുദ്ധിയും സർഗാത്മകതയും ആവശ്യമാണെന്ന് മുമ്പ് കരുതിയിരുന്ന ഭൂരിഭാഗം ജോലികളും യന്ത്രങ്ങൾ നിർവഹിക്കുന്നുവെങ്കിൽ മെറിറ്റിൻറെ പരമ്പരാഗത ആശയങ്ങൾക്ക് പ്രസക്തി കുറയുന്നു.
- AI ടൂളുകളിലേക്ക് ആക്സസ് ഉള്ള വ്യക്തികൾക്ക് കാര്യമായി നേട്ടം ലഭിക്കുന്നു. അത് അവരുടെ വ്യക്തിപരമായ കഴിവുകൾ കൊണ്ടല്ല. മറിച്ച് ഈ ഉപകരണങ്ങളുടെ മെച്ചപ്പെടുത്തിയ കഴിവുകൾ മൂലമാണ്.
- നിലവിലുള്ള അസമത്വങ്ങൾ വർദ്ധിക്കുന്നതിന് കാരണമാകും. നിയമനം, നിയമപാലനം തുടങ്ങിയ മേഖലകളിൽ ഇത് വിവേചനപരമായ ഫലങ്ങളിലേക്ക് നയിച്ചേക്കും.
AIയുമായി ബന്ധപ്പെട്ട ഇന്ത്യയുടെ വ്യത്യസ്ത പദ്ധതികൾ
- ആർട്ടിഫിഷ്യൽ ഇന്റലിജൻസിൽ ഗ്ലോബൽ പാർട്ടണർഷിപ്പ്
- യുഎസ് - ഇന്ത്യ ആർട്ടിഫിഷ്യൽ ഇൻറലിജൻസ് ഇനിഷ്യേറ്റിവ്.
- ആർട്ടിഫിഷ്യൽ ഇന്റലിജൻസ് റിസർച്ച്, അനലിറ്റിക്സ് നോളജ് അസിമിലേഷൻ പ്ലാറ്റ്ഫോം
- ആർട്ടിഫിഷ്യൽ ഇന്റലിജൻസ് മിഷൻ
AI യുടെ ആവിർഭാവത്തോടെ മെറിറ്റ് എന്ന ആശയം കൂടുതൽ സങ്കീർണമാവുകയും ഡാറ്റ മേധാവിത്വം, സാങ്കേതിക വിദ്യയിലേക്കുള്ള പ്രവേശനം എന്നിവയെ കുറിച്ചുള്ള ചോദ്യങ്ങൾ ഉയർത്തുകയും ചെയ്യുന്നു. ഈ സങ്കീർണ്ണതകളെ അഭിസംബോധന ചെയ്യുന്നതിന്, മെറിറ്റ് പുനർനിർവചിക്കാനും ഡിജിറ്റൽ യുഗത്തിൽ നീതി ഉറപ്പാക്കാനും ഒരു സൂക്ഷ്മമായ സമീപനം ആവശ്യമാണ്.
